Литвалы шыпакерлер тәрепинен семинар-тренинг ҳәм мастер класслар өткерилди

• admin
• 10-Октябрь-2022
• 154

Қарақалпақстан медицина институты клиникасының консултатив поликлиникасында айрықша жағдайларда ултрадаӯыс диагностикасынан пайдаланыӯ бойынша Литвалы шыпакерлер З.Дамбраускас, А.Даукса ҳәм А. Суковаслар тәрепинен семинар-тренинг ҳәм мастер класслар өткерилди. Бул әмелий семинар-тренинглер симуляция етилген наӯқаслар ҳәм саӯ волонтёрлар жәрдеминде шөлкемлестририлген болып, тәжирийбели клиникалық оқытыӯшылар: балалар хирурглери, қыстаӯлы медиcиналық жәрдем шыпакерлери, гинекологлар, рентгенологлар, хирурглер ушын мөлшерленген. Бизиң қәнигелеримиз зыянланған наӯқаслар ушын ултрадаӯыс жәрдеминде кеңейтирилген мақсетли баҳалаӯды қандай етип қаӯипсиз ҳәм нәтийжели өткериӯди үйренди.
Бул әмелий тренинг соңында қатнасӯшылар:
— еFAST үзликсиз түрде орынлаӯ ҳәм оқытыӯ (стандарт анатомик проекцияларды алыӯ);
— Анатомик тәрептен айрықша тараӯларда (төс, қарын ҳәм перикард) еркин суйықлықты анықлаӯ;
— Пневмотороксты анықлаӯ;
— еFAST имтиханының байқағышлығын асырыӯ усылларынан пайдаланыӯ ҳәм үйретиӯ көнликпелерин ийеледи.